health update

Cohealth in kan in don

Kan sin in zei hmuhding dah naa tinh khawh – na covo pawl

Chimkhawh: Na ngandam zohkhenhnak ah na herhmi bawmhnak na kan chimh khawh.

Himnak: Na ngandamnak zohkhenhnak ah a himmi le a tthami thlopbulhnak, thiamnak tlamtling a ngeimi nih tthatein zohkhenhnak kan in pekding naa tinh khawh.

Upatnak: Thlopbulhnak kan in pek tikah nangmah, na phunglam, na zumhnak, na ttanhmi, nu asiloah pa na sinak, nudawk padawk na sinak, na muisam le na sining vialte kan upat lai. Cohealth na rat tikah bawmtu dingah pakhatkhat (hawikom, chungkar) naa ratpi khawh hna.

Pehtleihnak: Na ngandam thlopbulhnak kong; zeibantuk thlopbulhnak le bawmhnak pek khawh na si le khuaika ah hmuh khawh a si, thlopbulhnak timhtuahnak, thlopbulhding i thim khawhmi pawl le an man pawl; tehna zong fiangtein le caan hmantein na lungfian khawhding in kan in chimhding ah naa tinh khawh.

Itelnak: Na ngandam thlopbulhning timhtuahnak le zohkhenhning biachahnak le i thimnak ah naa tel kho.

Na sin in zeihmuhding dah kan i tinh – na ttuanvo pawl

Upatnak: Kan sin rianttuanmi vialte le kan zung ah a rami vialte hna kha zeibantuk reng sang reng niam, nu/pa, miphun, nudawk/padawk, biaknak, ramkhel zumhnak, thluak zawtnak asiloah pum tlamtlinglonak a ngeimi an si zongah na upat hna ding a biapi.

Pehtleihnak: Kan in bawmh khawhnak lai na sining hmantein na kan chimh lai. Appointment na rat khawh lo ding a si ahcun (a tlawmbik suimilam 24 duh ah) thawng na kan thanh lai.

Pumpak Kong: Midang an pumpak kong na upatnak lai kan in nawl. A bu biaruahnak ah an chimmi le na theihmi midang pumpak kong tehna zong kha na upat lai.

Himnak: Kan zung na kan len tikah nangmah, midang le kan rianttuantu pawl an himnak ding in na um lai.

Holhlettu na herh ahcun na hman khawh.

A lak in holhlettu auhnak ah 131 450 kha chawn law kan phone number auhpiak ding in chim hna:

Collingwood, Fitzroy, Melbourne CBD – 9448 5528

Kensington, North Melbourne, Niddrie – 9448 5520

Footscray, Braybrook, Werribee, Melton – 9448 5502

Thluak zawtnak he pehtlaimi halnak – 9448 6314

Bawmtu/ruahnak petu hmang

Cohealth na rat tikah an bawmtu dingah na chungkhat asiloah na hawikom na ratpi khawh hna. Na duh ahcun kan zung nih hmanmi mi bawmtu/ruahnak petu zong na hman khawh hna i nangmah aiawh in an kan chawnh khawh.

Health Complaints Commissioner (Ngandamnak Zohkhenhning Lungtlinlonak Phuanmi Zohtu Bawizik)

1300 582 113

Mental Health Complaints Commissioner (Thluak Zawtnak Zohkhenhning Lungtlinlonak Phuanmi Zohtu Bawizik)

1800 246 054

Disability Services Commissioner (Mitlamtlinglo Zohkhenhning Zohtu Bawizik)

1800 677 342

Victorian Equal Opportunity and Human Rights Commission (Victoria Peng Minung Covo Khahnak le Nuhrin Covo Tinnak Zohtu Bawizik)

1300 292 153

Background branding image of roads representing community